Boksieres Donjeta Sadiku i është rezervuar një vend për pjesëmarrje në Lojërat e dyta Evropiane Minsk 2019, që mbahen prej 21-30 qershor në Minsk të Bjellorusisë.Organizatori i ka konfirmuar Komitetit Olimpik të Kosovës pjesëmarrjen me ftesë boksieres tonë, e cila do të garojë në kategorinë deri në 60 kilogramë.
Sadiku ishte bërë nënkampione e botës për juniore në vitin 2015 në Taipei të Tajlandës, ndërsa një vit më pas fitoi medaljen e artë në Kampionatin Evropian në Ordu të Turqisë, kategoria -57 kilogramë.
Në dy vitet e fundit, Donjeta ishte e pafat, pasi iu mohua pjesëmarrja në Kampionatin Botëror për juniore në vitin 2017 dhe vitin e kaluar në botërorin e senioreve. Të dy kampionatet u mbajtën në New Delhi të Indisë, shtet ky që ekipin e Kosovës nuk e pajisi me viza, shkaku i mosnjohjes së Republikës së Kosovës nga India.
![](https://www.fboxk.com/wp-content/uploads/2019/01/50824422_2551541274875236_2773560403672694784_n.jpg)
![](https://www.fboxk.com/wp-content/uploads/2019/01/50444264_2551541414875222_5908528187746287616_n.jpg)