Federata e Boksit e Kosovës (FBoxK) organizon Turneun e 18-të Ndërkombëtar Tradicional të Boksit “PAVARËSIA”, i cili do të mbahet më 15 shkurt 2026, duke filluar nga ora 13:00, në Pallatin e Rinisë dhe Sporteve në Prishtinë.
Në këtë turne prestigjioz ndërkombëtar do të marrin pjesë boksierë nga Zvicra, Maqedonia e Veriut, Shqipëria dhe Kosova, duke garantuar duele cilësore dhe nivel të lartë garues.
Turneu “PAVARËSIA” organizohet në kuadër të aktiviteteve për shënimin e Ditës së Pavarësisë së Kosovës dhe ka për qëllim promovimin e sportit të boksit, forcimin e bashkëpunimit ndërkombëtar si dhe ngritjen e nivelit profesional të sportistëve.
Federata e Boksit e Kosovës fton të gjithë dashamirët e sportit dhe të boksit që të jenë pjesë e këtij eventi të rëndësishëm sportiv.
