Përfaqësuesja e Kosovës në boks ka arritur një sukses të jashtëzakonshëm në turneun ndërkombëtar “Memorial Vllaznia 2026”, i mbajtur nga 9 deri më 12 prill 2026 në Shkodër, Shqipëri.
Boksierët kosovarë u paraqitën në nivel të lartë, duke fituar gjithsej pesë medalje:
- 3 medalje të arta:
- 55 kg – Bashkim Bajoku
- 65 kg – Zeneli Hasani
- 90 kg – Taulant Jakupi
- 2 medalje të argjendta:
- 60 kg – Lumturim Xhoxhaj
- 75 kg – Planet Berisha
Në përmbyllje të turneut, juria ndau edhe çmimet speciale, ku Kosova dominoi duke fituar tri kupa prestigjioze:
- Ekipi më i mirë – Kosova
- Boksieri më fair-play – Bashkim Bajoku
- Trajneri më i mirë – Shefki Bogujevci
Supervizor i turneut ishte Latif Demolli, ndërsa drejtësinë në këtë aktivitet sportiv e ndau gjyqtari Granit Qorri.
Ky sukses i radhës dëshmon nivelin në rritje të boksit kosovar dhe përkushtimin e vazhdueshëm për zhvillimin dhe promovimin e këtij sporti fisnik në arenën ndërkombëtare.
