Federata e Boksit e Kosovës vazhdon pjesëmarrjen në garat ndërkombëtare, me destinacionin e radhës turneun prestigjioz të boksit “Grand Prix”, i cili do të mbahet nga 08 deri më 11 dhjetor 2025 në Zagreb, Kroaci.
Kosovën në këtë turne do ta përfaqësojnë dy boksierë:
• Lumturim Xhoxhaj (60 kg)
• Shpëtim Bajoku (70 kg)
Ekipi do të udhëhiqet nga selektori Faton Xhakli, ndërsa drejtësinë në këtë turne do ta ndajë gjyqtari ndërkombëtar Latif Demolli.
Federata e Boksit e Kosovës u uron shumë suksese sportistëve tanë dhe beson në paraqitje dinjitoze për vendin.
