Boksierët kosovarë, vëllezërit Shpëtim dhe Bashkim Bajoku, ushtruesi i detyrës së selektorit të Kosovës Musli Zymberi do të udhëtojnë në Busto Arsizio të Italisë.
Ekipit do t’i bashkohet, boksierja Donjeta Sadiku dhe trajnerja Marjola Sallauka, të cilat janë në kamp në Asissi të Italisë. Boksierët e përzgjedhur do të marrin pjesë në turneun e parë kualifikues botëror të boksit për Lojërat Olimpike Paris 2024.
Turneu kualifikues do të mbahet nga data 02-11 mars 2024 në Busto Arsizio të Italisë.
